Back Coleutividá d'ultramar AST Dənizaşırı kollektivlik Azerbaijani Strollegezh tramor Breton Prekomorski kolektivitet BS Col·lectivitat d'ultramar Catalan Zámořské společenství Czech Oversøisk forvaltningsområde Danish Overseas collectivity English Transmaraj kolektivumoj (Francio) Esperanto Colectividad de ultramar Spanish
Una colectividat d'ultramar (en francés collectivité d'outre-mer u COM) ye una división administrativa francesa definita en a zaguera reforma constitucional de 2003. Incluye os territorios que se richen por l'articlo 74 d'a Constitución francesa, que son os antigos territorios d'ultramar y atras colectividatz con estatus particulars.
Actualment bi ha cinco colectividatz d'ultramar:
A Polinesia Francesa negoció, o 27 de febrero de 2004, un estatus especial baixo a denominación de país d'ultramar. Tien bella autonomía, con un president y representación diplomatica en l'ambito d'o Pacifico.
Saint-Barthélemy ye una isla d'o Caribe que en 2003, chunto con Saint-Martin, decidió en referendum deseparar-se d'a rechión d'ultramar de Guadalupe, d'a que feban parti. Asinas se convertioron en colectividatz d'ultramar o 22 de febrero de 2007.
Saint-Martin ye una isla d'o Caribe que en 2003, chunto con Saint-Barthélemy, decidió en referendum deseparar-se d'a rechión d'ultramar de Guadalupe, d'a que feban parti. Asinas se convertioron en colectividatz d'ultramar o 22 de febrero de 2007.
Saint-Pierre y Miquelon, en l'oceano Atlantico, debant d'a costa canadiense de Terranova, yera d'antis mas un departamento d'ultramar y pasó, en 1985, a colectividat territorial. Tien un estatus parellán a os departamentos con un consello cheneral. Con a reforma constitucional no va habió de fer garra cambeo.
Wallis y Futuna, en l'oceano Pacifico, tien un estatus especifico. Antigo territorio d'ultramar, dende 1961, con a reforma constitucional pasó a colectividat d'ultramar. Ye l'unico territorio francés habitato que no ye subdividito en comunas u municipios. Amás, ye constituito por tres monarquías tradicionals.
.svg){kind=small}
Mayotte, una isla de l'oceano Indico, deseparata d'as Comoras en 1976 yera tamién d'antis mas una colectividat d'ultramar, pero dende 2011 ye un departamento d'ultramar.